တကယ်တော့ သင်တန်းဆိုတာ Basic Knowledge ကိုဘဲပေးနိုင်တာပါ။
တကယ် တတ်ခြင်း မတတ်ခြင်းကတော့ နောက်ဆုံးမှာ ကိုယ့်အပေါ်မှာဘဲ မူတည်နေမှာပါ။
ပြီးတော့ Language ရွေးရာမှာ အစ်ကို ရွေးချယ်တာ မှန်ကန်တယ်လို့ ဆိုနိုင်ပါတယ်။
တကယ်တော့ Programming နဲ့ ပတ်သက်ပြီး ဘာမှ မသိသေးရင် ၊ အရင်ဆုံးလေ့လာသင့်တာကတော့ C/C++ ဘဲ ဖြစ်သင့်တယ်လို့ ကျွန်တော်ထင်ပါတယ်။ (ကျွန်တော့်တုန်းကဆို VB 6 နဲ့ စပြီးတော့ လေ့လာမိသွားတော့ နောက်ပိုင်းမှာ တော်တော် အခက်တွေ့ခဲ့ရတယ်။ VB လိုင်းထဲရောက်နေတော့ အဓိကကတော့ OO Concept မမိတာပေါ့။
)
C++ ကို သေချာလေ့လာမယ်ဆိုရင် Logic ပိုင်သွားမယ် ၊ Programming Concept လည်း မိသွားမယ်ဆိုတာ တော်တော် သေချာပါတယ်။ (C++ နဲ့ ပတ်သက်ရင်တော့ ကို လောရှည် က ပိုသိတယ်။
)
သင်တန်းတက်မယ်ဆိုရင် C++ ကို သင်ပေးတဲ့သင်တန်းတော့ သိပ်မတွေ့သလိုဘဲ။ (ကျွန်တော်ကလည်း KMD ဘဲသိတော့ ၊ မုန်းလည်း အဲဒီ့ကိုဘဲ ညွန်ရဦးမယ်ထင်တယ်။
)
ဒါပေမယ့် သင်တန်းကနေ Concept ရလေ့မရှိဘူးဗျ။ Coding ရေးတတ်မယ် ၊ Language Structure သိသွားမယ်။ Looping ပတ်တတ်မယ်။ အဲဒီ့လောက်ဘဲ သိကြလိမ့်မယ်။
အကောင်းဆုံးကတော့ အချိန်လဲပေးနိုင်မယ် ၊ စာဖတ်လည်း ၀ါသနာပါတယ်။ Programming ဆိုတာကိုလည်း တကယ်ဝါသနာပါတယ် (၀ါသနာမပါဘဲ ၊ Programming ဘာဆိုတာ သိချင်လို့ ဆိုရင်တော့ သင်တန်းသာသွားတက်လိုက်တော့။ ) ဆိုရင်တော့ Ebook တွေက အထောက်အကူပြုပါလိမ့်မယ်။စစချင်းမှာတော့ Ebook တွေ ဖတ်ရတာ ဟိုရောက်လိုက် ၊ ဒီရောက်လိုက်ဖြစ်နေတာတို့ ၊ တကယ့်စာအုပ်ကို ကိုင်ဖတ်တာ နဲ့ အသားကျနေတဲ့သူတွေဆို Computer ပေါ်မှာ မဖတ်တတ်တာတို့ စတဲ့ အခက်အခဲတွေနဲ့တော့ ကြုံရနိုင်ပါတယ်။ဒါပေမယ့် Ebook အမျိုးအစားကိုလည်း သေချာရွေးတတ်မယ် ၊ စနစ်တကျလည်း လေ့လာတတ်မယ်ဆိုရင် အားလုံးကို အိမ်မှာတင် သင်ယူလို့ရပါတယ်။
Ebook တွေကတော့ အမျိုးမျိုးရှိပါတယ်။
စတင်လေ့လာသူတွေအတွက်ဆိုရင်တော့ 24hours Series တွေကို ညွှန်းချင်ပါတယ်။အဲဒီ့ Series တွေက အနည်းဆုံးတော့ Language ကို အကြမ်းဖျင်းသဘောပေါက်သွားစေတယ်။
အကောင်းမမြင်တဲ့သူ တချို့ရဲ့ ၂၄ နာရီနဲ့ ဘယ်လိုလုပ်တတ်မလဲဆိုပြီး ကဲ့ရဲ့ထားတဲ့ ဆောင်းပါးတွေကို ဖတ်မိပြီးတော့တော့ 24hours series တွေကို အထင်မသေးလိုက်ပါနဲ့။ သူတို့မှာလည်း တကယ်သေချာ လေ့လာတတ်တဲ့သူတွေ အတွက် အကျိုးဖြစ်ထွန်းစေပါတယ်။
အဲဒီ့ စာအုပ် အမျိုးအစားကိုဖတ်ပြီးရင်တော့ ပိုပြီး အသေးစိတ်ကျကျရှင်းထားမယ့် စာအုပ်မျိုးတွေရှာဖတ်ပါ။(ဒီနေရာမှာတော့ C++ ဆိုတော့ ကို လောရှည် ကို အကြံပေးဖို့ တောင်းဆိုချင်ပါတယ်။)
အဲဒီ့လိုမျိုးနဲ့ သေချာလည်း လုပ်သွားမယ် ၊ တကယ်လည်း စိတ်ဝင်စားမယ်ဆိုရင်တော့ ၆ လ လောက်မှာ Concept ကို တော်တော်ပိုင်နိုင်နေလောက်ပါပြီ။ (တော်တဲ့သူဆိုရင် တော်တော်တောင် ရေးနိုင်နေလောက်ပြီ။)
ဖြေးဖြေးချင်း သင်ယူသွားကြပေါ့။ ပညာဆိုတာ ၀ုန်းဒိုင်းနဲ့ တတ်တဲ့အရာမှမဟုတ်တာ။
ကျွန်တော် အခုပြောတာ ပညာရပ်အားလုံးနဲ့ အကုန်မပတ်သက်တောင် တော်တော်များများ ပါတ်သက်နေပါလိမ့်မယ်။ အဲဒီ့တော့ တခြားသူတွေလည်း သင်တန်းတက်မယ့်အစား အဲဒီ့လိုလုပ်ကြည့်ကြဖို့ တိုက်တွန်းချင်ပါတယ်။
လေးစားစွာဖြင့်
$ƴǩǾ
လမ်းညွှန်ချက်လေး လိုချင်လို့ပါ။ [Guide] on 30th March 2010, 9:44 pm
